Dl ufize de presidënza fej pert l Presidënt/la Presidënta, doi Vizepresidënc/Vizepresidëntes y trëi Secreteres cuestores. Tl ufize de presidënza muessa nce vester reprejenteda la mendranza politica. L ufize de presidënza, de chël che l Presidënt/la Presidënta dl Cunsëi ie a cë, muessa se cruzië dantaldut de duvieres che à da nfé cun l'aministrazion dl Cunsëi provinziel, danter chisc l'apurvazion dl proiet dl bilanz de previjion y dl cont cunsuntif dl Cunsëi provinziel, la formulazion de prupostes revardëntes la mudazion o la ntegrazion dl regulamënt dl personal dl Cunsëi y dl plann organich dl personal curespundënt, che unirà po sometudes al'apurvazion dl Cunsëi, oradechël se cruziel nce dla formulazion de prupostes revardëntes l regulamënt dla ndeniteies, dla cumpensazions per la sentedes y di pruvedimënc a bën dla frazions. L ufize de presidënza segurea nce che l regulamënt dl Cunsëi vënie respetà y nterpretà sciche toca, ora che canche l se trata de dezijions che ti spieta al Presidënt/ala Presidënta dl Cunsëi provinziel.

I cumëmbri dla Jonta provinziela ne daussa nia fé pert dl Ufize de Presidënza.

(test: resumé dla normes dl regulamënt dl Cunsëi provinziel)

I cumëmbri dl Ufize de presidënza:

	Dr. Riccardo Dello Sbarba (Grupa Vërda) presidënt - (email: praesident@landtag-bz.org)
	Rosa Thaler (SVP) vizepresidënta - (email: vizepraesidentin@landtag-bz.org)
	Dr. Hanspeter Munter (SVP) secreter cuestor - (email: hanspeter.munter@landtag-bz.org)
	Georg Pardeller (SVP) (1) secreter cuestor - (email: georg.pardeller@landtag-bz.org)
	Dr.a Martina Ladurner (SVP) (2) secretera cuestora - (email: martina.ladurner@landtag-bz.org)