Cont dla vita

Dieter Steger nasc ai 24 de juni dl 1964 a Burnech coche prim de doi mutons. Nchin 16 ani crëscel pona su a Bulsan ulache l fej la scoles elementera, mesana y l lizeum tlassich. Do che si familia ie inò jita a sté a Burnech per rejons de lëur àl finà iló la scola auta per jì pona a studië giurisprudënza pra l'università de Padova y Trënt.
L sta a Bulsan cun si fëna Brigitte y i mutons Alexander (21), Verena (15) y Lukas Pauli (7). Do l'università àl fat de plu sperienzes de lëur. Danter auter àl laurà diesc ani ala longia tl'aministrazion publica te na pusizion diretiva tl departimënt per l Artejanat, la Ndustria, l Cumerz, la Finanzes y l bilanz. Dal 2003 iel diretëur dla Union Cumerz Turism Servijes. Pra la veles per l Cunsëi provinziel iel unì lità cun 8.130 ujes. Tla senteda costitutiva dl Cunsëi ai 18 de nuvëmber ti iel unì sëurandat la ncëria de presidënt dl Cunsëi.