Contignü prinzipal

Comisciuns d'inrescida

Sön domanda motivada de almanco n chert di comëmbri dl Consëi provinzial, che ó dì almanco 9 aconsiadësses/aconsiadus, nominëia la presidënta o le presidënt dl Consëi na comisciun d'inrescida; te chësta é vigni fraziun dl Consëi rapresentada da n comëmber che ara à nominé. Pro litaziuns eventuales tla comisciun à vigni comëmber tan de usc sciöche le numer di comëmbri dla fraziun de chëra che al fej pert. La comisciun se procurëia notizies, informaziuns y documënc por ci che reverda l'argomënt dl'inrescida y presentëia spo do avëi stlüt jö i laûrs al Consëi provinzial na relaziun sön i resultac y les contlujiuns. Ara po ince presentè propostes.

Te chësta legislatöra él gnü istituì indöt döes comisciuns d'inrescida.

Cun decret n. 66/09 dl 29 de jügn 2009 dl presidënt dl Consëi provinzial, Dieter Steger, él gnü istituì na comisciun d'inrescida sön domanda de 15 aconsiadësses/aconsiadus. Cun le decret de istituziun ti él gnü surandè ala comisciun le compit de:

  • ejaminé l'assegnaziun dla conzesciun da pert dla repartiziun ala mobilité y dl assessur competënt por döć i sorvisc de ferata, autobus y citybus dl trafich publich local te Südtirol;
  • ejaminé i cunć dla repartiziun ala mobilité por ći che reverda i conzescionars y ënć, sciöche provinzia, comuns y assoziaziuns turistiches;
  • ejaminé les modalites de cunć cun i conzescionars;
  • ejaminé les firmes metüdes sön i documënć reverdanć les asegnaziuns dles inciaries o i contrac de conzesciuns por le trafich publich local y sön i documenć dl Consëi provinzial y dla repartiziun ala mobilité;
  • ejaminé les mosüres de retlam, les spëises por retlam y les inciaries dades a dites de retlam da pert dla repartiziun ala mobilité o dl assessur competënt;
  • ejaminé les detlaraziuns fates dal assesur dr. Widmann y dal diretur de ripartiziun dr. Jellici sura la sospenjiun de n diretur d'ufize tla repartiziun ala mobilité;
  • ejaminé la dopla funziun de Gianfranco Jellici sciöche diretur de ripartiziun y comëmber dl consëi d'aministraziun dla SAD S.p.A;
  • ejaminé l'oblianza de diligënza por ći che reverda les deliberaziuns dla Junta provinziala tla repartiziun ala mobilité;
  • ejaminé dötes les chestiuns che se presentará intratan i laûrs dla comisciun sura chëstes tematiches.

Composiziun

Presidënta

Vizepresidënt

Secretêr

Cumëmbri

Lijënda

(1) inant impede l'aconsiadëssa Repetto Barbara

 

Cun decret n. 53/10 di 30 de jügn dl 2010 dl Presidënt dl Consëi provinzial Dieter Steger él gnü istituì na comisciun d'inrescida sön domanda de 14 aconsiadësses/aconsiadus. L’inrescida reverda dantadöt l’ejaminaziun, l’aprofondimënt y la valutaziun:

  • dles prozedöres sistematiches aratades de coruziun, ingianada y estorjiun tl Istitut por le frabiché sozial dla Provinzia de Balsan (IPFS)
  • dles conseguënzes de chëstes prozedöres por i afitadins y i contribuënć
  • di controi fać dales autoritês competëntes
  • dles ativitês de control por le dagnì proponüdes dal consëi d’aministraziun dl IPFS y dala Junta provinziala

Composiziun

Presidënt

Vizepresidënt

Secretêr

Cumëmbri