Nasciù a Volterra (Pi) dl 1954 y residënt a Bulsan dal 1988 inant. Matura tlassica, dutorat de filosofia al'università de Pisa, duzënt cun catedra, jurnalist. L à una na muta y un n mut.
Cun la grupa "Il Manifesto" tolel pert al muvimënt di studënc (69-77) y al lëur politich tla gran frabiches tl vest dla Toscana.
Curespundënt dla zaita "Il Manifesto". L lëura a Roma pra la zaita "Pace e Guerra" data ora un n iede al'ena da Stefano Rodotà y Luciana Castellina (82-83).
Dl 1983 candideiel pra la lista Pci per l parlamënt talian tla zircoscrizion Pisa, Livorno, Lucca y Massa Carrara.
Numinà dala Region Toscana coche aministradëur dl parch naturel S. Rossore, Migliarino y Massaciuccoli (dal 1986 al 1988), respunsabl per la prutezion dl'eghes, mëtel mpe n sistem de cuntrol ambientel basà sun indicatëures biologics.
L lëura dal 1988 al 1992 pra la zaita "Alto Adige". Dal 1993 al 2001 àl scrit per l "ff" ulache l ie per l prim iede unit publicà cun regularità articuli per talian te na zaita tudëscia.
Dal 2001 al 2003 diretëur dla zaita "Il Mattino". Al didancuei scrijel editoriei per l "Adige", Trënt. Cumëmber dl cunsëi aministratif dla "Langer Stiftung", editëur dl liber: "Alexander Langer, Scritti sul Sudtirolo-Aufsätze zu Südtirol."
Pra la veles de utober dl 2003 àl candidà sun la lista Verdi-Grüne-Vërc y à giapà 4.605 stimes de preferënza.
Dal 18 de mei 2006 Presidënt dl Cunsëi provinziel.