Urzì, Alessandro (Il Popolo della Libertà)

Nasciù ai 7 de mei dl 1966 a Bulsan y residënt iló. Jurnalist prufesciunist dal 1991; l à scumencià cunlauran dal 1985 cun "Radio Nbc Network"; danter l 1986 y l 1993 iel stat redadëur de "Videobolzano 33", de chël che l à menà ani alalongia la nutizies; l à pona nce laurà pra "Il Mattino dell'Alto Adige". L ie stat curespundënt dl Trentin-Sudtirol de "Il Giornale" de Milan ti tëmps dla direzion de Indro Montanelli; cunlauradëur dla revista "Il Borghese", dl'ANSA, dl "Alto Adige", de "Italia settimanale".

De nuvëmber dl 1998 iel unì lità cunselier regiunel y provinziel per la lista de "Alleanza Nazionale/Il Polo degli Italiani". Cunfermà dl 2003 (for per la lista "Alleanza Nazionale") y pona inò lità per la terza legislatura ai 26 de utober 2008 per la lista dl "Popolo della Libertà". Cun 7.891 ujes iel l cunselier dla grupa de rujeneda taliana plu lità. L ie presidënt dla frazion provinziela dl "Popolo della libertà" y l fej pert dla Ia y dla IIIa cumiscion legislativa.
L ie unì numinà de auril dl 2006 dal presidënt Gianfranco Fini "Commissario provinciale della Federazione provinciale di Alleanza nazionale". De fauré dl 2007 iel unì lità dal cungres provinziel dl partit presidënt provinziel de "Alleanza nazionale", ncëria che l à abù nchin che l ie unì a se l dé la fundazion dl "Popolo della Libertà", a chëla che "Alleanza nazionale" à dat pro de fé pert de merz dl 2009.