Pöder, Andreas (Union für Südtirol)

L ie dl 1967 y viv cun si familia a Völlan/Lana. L ie maridà cun Anita Hammerle de Landeck/Tirol dl Nord; Anita y Andreas Pöder à cater mutons y mutans: Julia, Simon, Philipp y Elisabeth.
Andreas Pöder ie politicamënter atif dal 1990. L ie publizist, fova redatëur de radio cun na furmazion de moderatëur y speaker de radio, sëurastant de partit dla Union, capofrazion tl Cunsëi provinziel.
Dal 1998 ie Pöder cunselier tl Cunsëi provinziel. L fova cumëmber de de plu cumiscions spezieles y de nrescida (cumiscion de Mosca, cumiscion dla Milkon, cumiscion de nrescida di cuntrac de cunsulënza esterns).
Ora che cun l ciamp dl cuntrol dl pudëi se à Pöder tl Cunsëi provinziel dantaldut dat ju cun tematiches de politica soziela, politica per la families y cun l setor dl'economia. Da cunescënt dla tecniches nueves di media y dla comunicazion se àl nce for purvà a cialé de mené inant l svilup dla comunicazion politica tla sozietà y tl ciamp dl'economia de Südtirol.
Dl 2006 à Pöder cun la Union für Südtirol purtà inant la prima ghiranzes de referendum do che dl 2005 ie unida ora la lege provinziela nueva sun la scumenciadiva populera. Dl 2006 à Pöder y la/i cunselieres de chemun dla Union, cun l sustëni de truep funzioneres y dla populazion, abinà adum 15.000 sotscrizions cunvalidedes, nvian via a chësta moda la prima consultazions per i referendums te Südtirol. Cunfermà tl Cunsëi provinziel cun 3.981 ujes.