Pichler Rolle, Elmar (SVP)

Elmar Pichler Rolle ie nasciù a Bulsan ai 26 de fauré 1960. A Bulsan iel nce chersciù su, al didancuei stal a Terlan, l ie maridà, à doi mutons y ie jurnalist de prufescion. Dal 1985 al 2008 cumëmber dl Cunsëi de chemun de Bulsan. Danter l 1995 y la veles dl Cunsëi provinziel dl 2008 iel stat vizeambolt dl capoluech de Südtirol. Te chësc tëmp se àl cruzià de na lingia de ciamps defrënc sciche dla finanzes y dl bilanz, dl'economia, dla prutezion zevila y dla cultura tudëscia (dant nce de sport, mubiltà y nfrastrutures). Dal 2003 al 2007 iel stat presidënt dla Fundazion Teater Cumenel y dl Auditoirium de Bulsan.
Dal 1995 cumëmber dla "SVP-Landesleitung", da auril dl 2004 a auril dl 2009 sëurastant dla Südtiroler Volkspartei, da nuvëmber dl 2008 presidënt dla frazion provinziela dla SVP tl Cunsëi provinziel dla provinzia de Bulsan.
L dejëuj ativiteies de ulentariat, danter auter pra l aiut al sport de Südtirol, pra l cumité de urganisazion dl "Silvesterlauf" de Bulsan y pra l cumité de urganisazion dla copa dl mond de biatlon de Antholz.
D'utober 2008 iel unì lità tl Cunsëi provinziel cun 24.300 ujes de preferënza.