Pardeller, Georg (SVP)

Georg Pardeller ie nasciù a Bulsan ai prim d'agost dl 1942 y ie chersciù su a Nueva Tudëscia (Deutschnofen). L ie residënt a Nueva Tudëscia (Deutschnofen), ma pervia dl lëur stal la majera pert a Bulsan. Do avëi mparà n mestier iel dal 1970 inant culaburadëur dl ASGB, la union di sindacac autonoms de Sudtirol. Ntan si lëur sciche funziuner sindacalist al fat paralelamënter l ejam dl Istitut tecnich per l cumerz. Dl 1992 iel unì lità presidënt dl ASGB y ie restà te chëla ncëria nchin de juni dl 2009. Dl 2003 iel unì lità tl Cunsëi provinziel de Sudtirol y l fova cumëmber dl ufize de presidium dl Cunsëi provinziel. Dl 2008 iel inò unì lità tl Cunsëi provinziel de Sudtirol y l ie unì cunfermà sciche cumëmber dl ufize de presidium. L ie danter chëi che à metù su la cumiscion di partner soziei y l Laborfonds. L fej pert dl Cumité de acurdanza danter l stat y la provinzia pra l Cumissariat dl Guviern y ie l vizepresidënt dl "Südtiroler Volksgruppeninstitut". Tl cunsëi regiunel iel presidënt dla 1a cumiscion legislativa (cuestions sozieles) y cumëmber dla 2a cumiscion legislativa; tl cunsëi provinziel iel vizepresidënt dla 4a cumiscion legislativa y cumëmber dla prima cumiscion legislativa. L fej pert dl cumité soziel (Landessozialausschuss) y dla jonta dl partit (Parteiausschuss) dla SVP, sciche nce dl gremium dla SVP per la zità de Bulsan.