Mair, Ulli (Die Freiheitlichen)

Nasciuda ai 11 de setëmber dl 1974 a Bulsan, ulache la ie residënta, nia marideda, degun mutons.
Dal 1980 al 1985 scola elementera a Bulsan y Steinegg, dal 1985 al 1988 scola mesana a Blumau, dal 1988 al 1995 (cun doi ani de suspension) Istitut Tecnich Cumerziel, stlut ju cun l ejam de maduranza. Praticantac y lëures d'instà: dl 1988 chinzdiern, dl 1989 per doi mënsc tla scola da d'instà a Worthing tla Ngltiera, 1990 per un n mëns scola a Worthing, un n mëns praticantat pra n cumerzialist. Dal 1991 al 1993 barista, dl 1994 secretera, dal 1995 - 2000 d'instà ativiteies tl setor turistich y lëures pra radio y zaites, oradechël praticantac pra i Freiheitlichen. Stude de scienzes politiches, storia contempurera y media a Dispruch. La sà talian, nglëisc y franzëus. Nteresc: sport (nudé, tennis, jì a ciaval, jì su per mont, jì cun la roda), leteratura y mujiga, motores (Harley Davidson), ancunté cumpanies y rujené de uni sort de argumënc, fé viages.
Dal 1999 tl diretif dl partit di Freiheitlichen. Dal 2001 al 2003 iela stata secretera generela de si partit. Dl 2003 iela unida liteda per l prim iede tl Cunsëi provinziel y de utober dl 2008 recunfermeda cun 27.500 ujes de preferënza.