Hochgruber Kuenzer, Maria Magdalena (SVP)

Nasciuda ai 18 de mei a San Laurënz, cuarta de catordesc danter mutons y mutans de n muradëur y de na paura y ciajarina. Dal 1976 iela marideda cun Paul Kuenzer, paur de San Iöre (St. Georgen), 5 mutons danter 16 y 31 ani.
Do la scola mesana tl internat dla Ursulines, àla, danter l 1994 y l 1997 frecuentà i cursc teologics a Persenon per deventé nsenianta de religion. La à laurà per cin ani tl'aministrazion de San Iöre, cin ani coche cunseliera de chemun a Burnech, avan te chël tëmp nce la ncëria de presidënta dla cumiscion per l ambient. Oradechël iela stata la fundadëura dl marcià di paures a Burnech. Dal 2000 incà àla fat pert dla cumiscion cumenela per l frabiché de Burnech, dal 2003 presidënta dla urganisazion dla paures de Südtirol, dal 2006 presidënta dla cooperativa soziela  "Kinderbetreuung am Bauernhof", l servisc che se cruzia de cialé sun i mutons sun i luesc da paur.
Dl 2008 iela unida liteda tl Cunsëi provinziel cun 10.205 ujes.