Les comisciuns legislatives é organns ausiliars dl Consëi provinzial y operëia sön inciaria de döt le Consëi provinzial; ares à la inciaria d'ejaminé i dessëgns de lege presentà, denant che ai vëgnes tratà dal plenum che ejaminëia le test dl dessëgn de lege aprovè dala comisciun legislativa. Dlungia l'ejam preliminar di dessëgns de lege che ti é gnüs assegnà dala presidënta o dal presidënt dl Consëi provinzial, presentëia les comisciuns legislatives, de süa bona o sön inciaria dl Consëi provinzial, relaziuns o propostes revardëntes chestiuns de süa competënza. Les comisciuns à ince la poscibilité de laurè fora, intratan la rielaboraziun, le coordinamënt y l'integraziun de de plü dessëgns de lege che reverda la medema materia, n so test de lege da portè dant al Consëi. Le numer dles comisciuns legislatives, sües competënzes y le numer de sü comëmbri vëgn stabilis cun deliberaziun dl Consëi provinzial. La composiziun de vigni comisciun legislativa mëss corespogne ala consistënza di grups linguistics insciö sciöche ai é rapresentà tl Consëi provinzial y, tan inant che ara va, a chëra dles fraziuns. Les sentades dles comisciuns legislatives n'é nia publiches.

(Test: ressümé de desposiziuns fora dl regolamënt intern dl Consëi provinzial)

1ª comisciun legislativa
Chestiuns istituzionales, istruziun, cultura, sport, cooperaziun al svilup, raporc internazionai y cun l'Uniun europeica, comunicaziun

	Denicolò Herbert (SVP) - presidënt
	Klotz dr.a Eva (SÜD-TIROLER FREIHEIT - Freies Bündnis für Tirol) - vizepresidënta (5)
	Stocker dr.a Martha (SVP) - secreteria
	Pahl dr. Franz (SVP)
	Urzì Alessandro (Alleanza Nazionale)

2ª comisciun legislativa
Agricoltöra y bosch, sconanza dl'ambiënt, urbanistica, eghes publiches y energia

	Thaler Zelger Rosa (SVP) -  presidënta
	Lamprecht Seppl (SVP) - vizepresidënt
	Leitner Pius (Die Freiheitlichen) - secretêr
	Pasquali dr. Alberto (Forza Italia) (3)
	Thaler Hermann (SVP) (2)

3ª comisciun legislativa
Finanzes y patrimone, laûrs publics, industries, comerz, artejanat, turism, programaziun economica, inrescida scientifica y tecnologica, coordinaziun dles finanzes publiches y dl sistem dles cutes

	Munter dr. Hanspeter (SVP) - presidënt
	Baumgartner dr. Walter (SVP) - vizepresidënt
	Unterberger ddr.a Juliane (SVP) - secreteria
	Heiss dr. Hans (Grupa Vërda)
	Sigismondi Alberto (Alleanza Nazionale) (4)

4ª comisciun legislativa
Laûr y profesciuns, frabiché, assistënza publica, sanité, alimentaziun, volontariat, trasport

	Ladurner dr.a Martina (SVP) -presidënta
	Pardeller Georg (SVP) - vizepresidënt
	Minniti Mauro (Alleanza Nazionale) - secretêr
	Kury dr.a Cristina (Grupa Vërda) (1)
	Unterberger ddr.a Juliane (SVP) (2)